ടിവി പരസ്യങ്ങളില് നിന്നും ഞാന് മനസ്സിലാക്കിയ കുറച്ച് കാര്യങ്ങള്...! 1) ആക്സ് ബോഡി സ്പ്രേ അടിച്ചാല് പെമ്പിള്ളേര് എല്ലാം കൂടി കിസ്സ് തരും..!
2) സിറ്റിയിലൊക്കെ വീടുകളില് ബാത്ത്റൂം കഴുകിയില്ലങ്കില് ആഴ്ചയിലൊരിക്കല് സിനിമാനടന് അബ്ബാസ് വന്ന് ഹാർപിക്ക് ഇട്ട് വൃത്തിയാക്കിത്തരും...!
3) രാംരാജ് മുണ്ട് വാങ്ങി ഉടുത്താല് പോകുന്ന വഴിക്കൊക്കെ നാട്ടുകാര് അറ്റെന്ഷനില് സല്യൂട്ട് തരും..!
4) പെണ്ണിനെ വളക്കാന് ഏറ്റവും നല്ല മാർഗം .കോള്കേറ്റ്.ക്ലോസപ്പ് ഇതിലേതേലും വാങ്ങി ബ്രഷ് ചെയ്തിട്ട് വളക്കാന് ഉദ്ദേശിക്കുന്ന പെണ്ണിന്റെ മുഖത്തേക്ക് വാ പൊളിച്ച് ഊതിയാല് മതി..!
5) കറ നല്ലതാണ് .. യൂണിഫോമില് നിറയെ ചളിയും കറയുമാക്കി വീട്ടില് വരുന്ന കുട്ടികളെ അമ്മമാർക്ക് എന്തിഷ്ടമാണന്നോ...!
6) തംസപ്പ് കുടിക്കുക എന്നത് ചില്ലറ കാര്യമല്ല.. കെട്ടിടത്തിന്റെ മുകളീന്ന് ചാടണം ഓടണം തംസപ്പ് കൊണ്ടുവരുന്ന വണ്ടി ചെയ്സ് ചെയ്തു പിടിക്കണം സാധാരണക്കാർക്കൊന്നും പറ്റുന്ന പണിയല്ല.. ഇന്ത്യയിൽ ഈ കടമ്പകള് കടന്ന് തംസപ്പ് കുടിച്ച അപൂർവ്വ വെക്തി അക്ഷയ് കുമാറാണ്...!
7) പെണ് കുട്ടികള്ക്ക് ഉയർന്ന സ്ഥാപനങ്ങളില് ജോലികിട്ടാന് വിദ്യഭ്യാസം എക്സ്പീരിയന്സ് ഇതൊന്നും വേണ്ട.. ഇന്റെർവ്യൂന് പോകും മുമ്പേ ഫെയര് ആന്ഡ് ലൗലി വാങ്ങി ഉപയോഗിച്ചാല് മതി..!
8) ബാത്ത് റൂമില് കയറിയാല് വാതില് കുറ്റിയിട്ടന്ന് ഉറപ്പ് വരുത്തുക .. ഉപ്പുണ്ടോ എന്നും ചോദിച്ച് ടിവിക്കാര് ക്യാമറയും പിടിച്ച് ഒരു ഉളുപ്പുമില്ലാതെ കയറി വരും..!
9)മുഖത്ത് ആകമാനം പരത്തി വൃത്തികേടാക്കി കഴിക്കേണ്ട സാധനമാണ് ചോക്ലേറ്റ് ..!
10)5000 മുതല് മേലോട്ടുള്ള തുകയൊന്നും വീട്ടില് സൂക്ഷിക്കരുത് .. അങ്ങിനെ സൂക്ഷിച്ചാല് മഞ്ജു ചേച്ചി വന്ന് നമ്മളെ കൊണ്ട്പോയി ഡയമണ്ട് വാങ്ങിപ്പിക്കും...!
11) പ്രായമായ പെണ് മക്കളുള്ളവര് പേർക്ക് കഴിക്കരുത്.. കഴിച്ചാല് മരത്തിനു പിറകില് ഒളിപ്പിച്ച കാമുകനുമായി മകള് സ്ഥലം വിടും..
12)താഴത്തെ വീട്ടിലും മുകളിലെ വീട്ടിലും അപ്പുറത്തെ വീട്ടിലും ഇപ്പുറത്തെ വീട്ടിലും മാത്രം കാണാന് കിട്ടുന്ന ഒന്നാണ് ടേബിള്മേറ്റ്..!
13) സണ് ലൈറ്റ് വാങ്ങുവാണെല് ഭർത്താവിനെ കൊണ്ട് ചായ ഇട്ട് ഭാര്യമാർക്ക് കുടിക്കാന് കഴിയും..
14) വീട്ടില് ഒരിക്കലും ടാന്ങ്ക് എന്ന ജ്യൂസ് പൗഡർ വാങ്ങിക്കരുത് .. വാങ്ങിച്ചാല് കുട്ടികള് നമ്മള് പറയുന്നതിന് വിപരീതമേ ചെയ്യൂ..
15) വീട്ടില് ഹാപ്പിജാം വാങ്ങിക്കരുത് ..സന്തോഷം കൊണ്ട് കുട്ടികള് മുഴുവനും തിന്ന് ഷുഗറ് പിടിക്കും
✨💫✨💫💥💥💥💥💥💥💥
0 comments:
Post a Comment
We value your comments and suggestions